За нас
Pionerski Book Bar – новата градска приказна во Битола!
Во срцето на некогашниот „Пионерски дом – Трајче Мајгловски“, симбол на младоста и креативноста на генерации битолчани, оживува нов културен и урбан простор. Лоциран во објект со богато минато – од еврејско училиште „Талмуд Тора“ во 19 век до современ симбол на младинскиот дух – Pionerski Book Bar е мост помеѓу историјата и иднината.
Овој уникатен простор нуди многу повеќе од кафе и книги. Тоа е книжара со душа, каде што покрај внимателно селектирана литература, ќе најдете и простор за културни настани, книжевни промоции и сведоштво за еврејското наследство на објектот.
Граѓанскиот и бизнис секторот добива современо опремени сали за презентации и настани, а уметниците – сцена за израз и креација. Најмладите се дел од посебната програма „Пионер – Суперхерој“, со едукативни и забавни содржини наменети само за нив.
За оние што доаѓаат оддалеку, Pionerski Book Bar нуди 12 модерни и комфорни сместувачки единици – идеални за одмор и инспирација.
Терасата под борова сенка е совршено место за кафе, закуска и добар разговор – простор каде постојано се случува нешто ново.
Битола доби ново урбано срце.
Pionerski Book Bar е повеќе од локација – тоа е заедница, атмосфера и вредност. Место каде што минатото добива нов живот, а сегашноста се гради со визија.
Добредојдовте во Pionerski – вашето ново омилено место во Битола.






